Soft opening á nýjum og breyttum Firði

Fjörður verslunarmiðstöð hefur loksins opnað nýbygginguna! Nú eru allar verslanir komnar saman á eina hæð – 1. hæð. Kaffitorgið hefur fengið glænýtt yfirbragð og býður nú upp á hlýlegt og notalegt andrúmsloft. Um helgina 21-23. nóvember er svokölluð “soft opening” á nýja hluta Fjarðar.

Við bjóðum A4, Betra Kaffi, Daily Comforts, Emil&Lina, Gina Tricot, Klukkan, Lemon og Nándin Matarbúð hjartanlega velkomin í Fjörð!

Daily Comforts flytur í verslunarrýmið þar sem Daría var áður. Áætlað er að Nándin opni glæsilega matarbúð í Firðinum, í byrjun árs 2026. Mikið hlökkum við til!